Maxfiylik va ma’lumotlardan foydalanish
DarsMarket o‘qituvchilar uchun materiallar, kasbiy profil va tayyorgarlik xizmatlarini taqdim etadi. Bu sahifa sayt va Google orqali kirishda ishlatiladigan ma’lumotlarni tushuntiradi.
Google orqali kirish
Google hisobi bilan kirishni tanlasangiz, Google sizning roziligingiz bilan tasdiqlangan email, ism/profil va hisob identifikatorini beradi. DarsMarket email, ism va identifikatorni hisob yaratish yoki mavjud hisobga Google kirishini ulash uchun ishlatadi. Google tasdiqlagan Gmail yoki mos Google Workspace emailingiz saytdagi tasdiqlangan va faol profil emailiga aynan mos bo‘lsa, shu profilga avtomatik bog‘lanib kirasiz. Boshqa Google hisobiga mavjud bog‘lanish avtomatik almashtirilmaydi. Gmail xatlari, Google Drive fayllari, kontaktlar va taqvim uchun ruxsat so‘ralmaydi. Google parolingizni DarsMarket olmaydi.
Google autentifikatsiya javobining imzosi, muddati va xavfsizlik kodlari serverda tekshiriladi. Google qaytargan kirish tokenlari ushbu kirish jarayonida ishlatiladi; ular sayt bazasida uzoq muddatli Google API kirishi uchun saqlanmaydi. Saytga kirgan holatingiz seans kukisi orqali saqlanadi.
Saytda saqlanadigan ma’lumotlar
Hisob va profil ma’lumotlari, o‘zingiz kiritgan maktab, fan, sinf, toifa, sertifikat ma’lumotlari, yuklagan materiallar, xaridlar, test javoblari va tayyorgarlik natijalari tegishli xizmatlarni ishlatish uchun saqlanadi. Xavfsizlik va hisob amallari bo‘yicha texnik jurnallar yuritiladi. Oddiy sayt paroli xeshlangan holda saqlanadi.
Shaxsiy test natijalari va yopiq fayllar kirish huquqi bilan cheklanadi. Nashr qilgan materialingiz, do‘koningiz va ommaga chiqarishni tanlagan profil ma’lumotlaringiz boshqa foydalanuvchilarga ko‘rinishi mumkin. Maktab va kasbiy profilning ommaviy ko‘rinishi profil sozlamalaridan boshqariladi.
Tashqi xizmatlar
Google kirishi faqat shu tugmani tanlaganingizda ishlatiladi. Jonli AI yoqilgan bo‘lsa, alohida rozilik so‘ralgan amal doirasidagi mavzu yoki diagnostika ma’lumotlari AI xizmatiga yuboriladi. Tashqi video va manba havolalari o‘sha xizmatda ochiladi. Sayt shrift va interfeys fayllarini Google Fonts va jsDelivr orqali yuklashi mumkin; tashqi serverlar odatiy tarmoq so‘rovi ma’lumotlarini oladi.
Boshqarish va o‘chirish so‘rovlari
Profil ma’lumotlarini profil sozlamalarida o‘zgartirishingiz mumkin. Google hisobingiz sozlamalarida DarsMarket bilan bog‘lanish ruxsatini bekor qilishingiz mumkin; bu DarsMarketdagi hisob va avvalgi yozuvlarni avtomatik o‘chirmaydi.
Google bog‘lanishini olib tashlash, hisob yoki shaxsiy ma’lumotlarni o‘chirish bo‘yicha so‘rovni qo‘llab-quvvatlash manziliga yuboring. So‘rov qaysi hisobga tegishli ekanini tasdiqlash talab qilinishi mumkin. Xarid yoki xavfsizlik yozuvlari bilan bog‘liq saqlash cheklovlari bo‘lsa, ular so‘rov ko‘rilganda tushuntiriladi. Parol yoki Google tasdiqlash kodini yubormang.
Bog‘lanish
DarsMarket qo‘llab-quvvatlash: samexpoler@gmail.com.